Showing posts with label သူငယ်ချင်း. Show all posts
Showing posts with label သူငယ်ချင်း. Show all posts
Saturday, September 8, 2012
Friday, July 6, 2012
သို့…သူငယ်ချင်း
သူငယ်ချင်းရေ
မင်း ဘယ်ဆီကိုရောက်ရောက်
တူညီတဲ့ ဟောဒီမိုးကောင်းကင်အောက်မှာ
မင်းလျှောက်ခွင့်ရဖို့
မြန်မာပြည်သားမင်းမိဘများက
အသက်တွေနဲ့ရင်း
ဘ၀တွေကို တံတားခင်းပေးထားလေတယ်။
လျှောက်ပေါ့သူငယ်ချင်းရယ်
လျှောက်သောသူရောက်သတဲ့
လမ်းလျှောက်ရင်းတော့
လမ်းမပျောက်စေနဲ့ပေါ့
နိုင်ငံရပ်ခြား တိုင်းတစ်ပါးမှာ
အတုယူစရာတွေကများ
ဆေးတစ်ပါးဖြစ်သလို
ဘေးများလည်းပေါတဲ့နေရာ
တရိပ်ရိပ်တတ်လာတဲ့ခေတ်ကြီးမှာ
အမြဲထိန်နေတဲ့မီး
တစ်ချိန်လုံးလာတဲ့ရေ
နောက်ဆုံးပေါ်စည်းစိမ်တွေနဲ့
မိုးမျှော်တိုက်ကြီးတွေရဲ့ကြား
မင်းစိတ်တွေမှောက်မှားနေမှာစိုးတယ်
ပညာတွေဘယ်လောက်တတ်တတ်
စည်းစိမ်ဥစ္စာတွေဘယ်လောက်ရှိရှိ
အသိမရှိရင်
အနှစ်မရှိတဲ့ကြက်ဆူလို
ဟင်းမဖြစ် ထင်းမဖြစ်နဲ့
နောင်တစ်ချိန်မှာစိတ်ညစ်နေရတတ်တယ်။
မမေ့ပါနဲ့သူငယ်ချင်းရယ်
မြန့်မာ့အမွေအနှစ်တွေနဲ့
မြန့်မာ့ရိုးရာဓလေ့
သိပ်ချစ်စရာတွေနဲ့ပြည့်နေသလို
မင်းမိဘများရဲ့အိမ်
တဲအိမ်မဟုတ်
ပျဉ်ထောင်အိမ်မဟုတ်
တိုက်အိမ်မဟုတ်
မီးမမှန် ရေမမှန်
ခေတ်မဆန်ပေမယ့်
၂၄ နာရီလင်းထိန်
မေတ္တာဓာတ်နဲ့ဆောက်ထားတဲ့အိမ်
တစ်ချိန်မှာမင်းပြန်လာနိုင်ဖို့
အားလုံးကမေတ္တာပို့ဆုတောင်းနေကြတယ်။
Subscribe to:
Posts (Atom)